मूर्तिजापूरात ठिक-ठिकाणी राम नवमी जन्मोत्सव मोठ्या थाटात..!

दर्शना करिता मंदिरात नागरिकांची उसळली गर्दी

शहरातून भव्य मोटासायकल रैली सह शोभयात्रा
—————————————-

मूर्तिजापूर :- शहरा सह तालुक्यात रामजन्मोत्सव मोठ्या उत्साहात साजरा करण्यात आला. जुनी वस्ती, तिडके नगर, सराफ लाईन स्टेशन विभाग परिसरातील श्रीराम मंदिरात दर्शनासाठी भाविकांनी मोठ्या प्रमाणावर गर्दी केली होती.

मूर्तिजापूर येथे श्रीररामजन्मोत्सव निमित्ताने जुनी वस्ती, तिडके नागर,स्टेशन विभागातील सराफ लाईन परिसरातील राम मंदिरात प्रभू श्रीरामचंद्राचा जन्मोत्सवाचा कार्यक्रम मोठया भक्तिमय वातावरणात संपन्न झाला. यावेळी आमदार हरिष पिंपळे यांच्या वतीने सपत्नीक पुजा व महाआरती केली.
सकाळी १० वाजता जुनी वस्ती येथील स्वामी समर्थ मंदिर येथून सकल हिंदू समाज व श्रीराम नवमी जन्मोत्सव समिती च्या वतीने शहरातून भव्य मोटर सायकल रॅली तर सायंकाळी
सम्पूर्ण शहरातून विविध जिवंत देखाव्यांसह भव्य शोभयात्रा काढण्यात आली.शोभयात्रेतील रथावर विराजित प्रभू श्रीराम लक्ष्मण व माता सीता, माता लक्ष्मी, महाकाली, विठ्ठल रुक्मिणी,अर्धणारी, हनुमंतराय आदींचे जिवंत देखावे पाहणाऱ्यांचे डोळ्याचे पारणें फेडत होत्या. या शोभयात्रेचे महिलांनी वाटेत ठिक -ठिकाणी औक्षण करून फुलांची उधळण करून स्वागत केले.तर लकडगंज परिसरातील दुर्गा माता मंदिर येथे छवा संघटनेचे संजय गुप्ता यांच्या वतीने महाप्रसादाचे आयोजनही करण्यात आले.
सायंकाळी उशिरा पर्यंत मिरवणूक चालली .मिरवणूक शांततेत पार पडावी या करिता शहर पोलीस स्टेशन च्या वतीने ५०पोलीस महिला व पुरुष कर्मचाऱ्यांसह होमगार्ड चे जवान तैनात ठेऊन ठिक ठिकाणी चोख बंदोबस्त लावण्यात आला होता. तर श्रीराम नवमीच्या पूर्वसंध्येला जिल्हा पोलीस अधीक्षक बच्चन सिंह यांनी राम जन्मोत्सव शोभायात्रेच्या मार्गाचे निरीक्षण करून अकोला येथून आर. सी. पी चे २७ व दंगल नियंत्रक पथकाचे २० जवान अतिरिक्त बंदोबस्त तैनात करण्यात आला होता.
—————————————-
कॅमेरामन अमेय आगळेकर सह विदर्भ ब्युरो चीफ प्रतिक कुऱ्हेकर, CEN News मूर्तिजापूर -अकोला.