पैशाच्या वादावरून युवकावर प्राण घातक हल्ला

मूर्तिजापूर:- येथील महाराजा चौकात दोन युवकांमध्ये पैश्याच्या कारणावरून झालेल्या वादात एका युवकावर धारधार शस्त्राने वार केल्याने गंभीर जखमी झाल्याची घटना सोमवार दि.१४ रोजी घडली आहे.
मुर्तिजापूर येथील जुनी वस्ती स्थित असलेल्या महाराजा चौक येथे पैश्यावरून दोन युवकांमध्ये शाब्दिक बाचाबाची झाल्याची घटना घडली.मात्र या वादाचे रूपांतर हाणामारीत झाल्याने अ.जाफर अ.हन्नान (२३) रा.परदेशीपुरा जुनी वस्ती या युवकाने स्टेशन विभाग स्थित राहणाऱ्या स्वप्निल तायडे या २५ वर्षीय युवकावर धारधार शस्त्राने वार केल्याने स्वप्निल गंभीर जखमी झाला तर दोघांचा वाद सुरू असताना वाद सोडवण्यास गेलेल्या किरण अशोक अव्वलवार (४२) हे जखमी झाल्याची घटना सोमवारी सायंकाळी ६.३० ते ७ वाजताच्या दरम्यान शहरात घडली.यातील वार करणारा आरोपी अ.जाफर अ.हन्नान यावर मुर्तिजापूर शहर पोलीस स्टेशन अंतर्गत पूर्वीच्याही गंभीर गुन्हे दाखल असल्याचे समजते तर यानीच यापूर्वीही काहीवर वादातून धारदार शस्त्राने वार केल्याचेही सांगण्यात येत आहे.तर पोलिसांनी दाखवलेल्या मोठ्या सतर्कतेमुळे अनर्थ टळला असला तरी अशा कुख्यात गुंडांवर कठोर कारवाई करून शहरातून हद्दपार करावे जेणेकरून शहराची शांतता अबाधित राहावी अशी मागणी समस्त नागरिक करत आहे.वृत्तलेस्तोर आरोपींवर गुन्हा दाखल करण्याची प्रक्रिया शहर पोलीस स्टेशनचे ठाणेदार अजित जाधव यांच्या मार्गदर्शनात सुरू असून जखमींना पुढील उपचारार्थ श्रीमती लक्ष्मीबाई देशमुख उपजिल्हा रुग्णालय हलवण्यात आले.
________________________________कॅमेरामन शाम वाळसकर सह विदर्भ ब्युरो चिफ प्रतिक कुऱ्हेकर, CEN News मूर्तिजापूर -अकोला.