मूर्तिजापूर शहरात अस्वच्छतेचा कळस; नपाची आरोग्य यंत्रणा झोपेत.

मूर्तिजापूर :- शहरातील नाले-गटारांची साफसफाईच होत नसल्यामुळे सर्वत्र घाणीचे साम्राज्य पसरले आहे. डासांची पैदास वाढली असून, शहरात साथरोगांचा उद्रेक होण्याची शक्यता बळावली आहे.
मूर्तिजापूर शहरास संत गाडगे महाराजांचा वारसा मिळाला असून गाडगे महाराजांची कर्मभूमी म्हणून या शहराची जागतिक पातळीवर ओळख समजल्या जाते. “गोपाला -गोपाला देवकी नंदन गोपाला” या वाक्याचा गजर करत संत गाडगे महाराजांनी गावो-गावी फिरून गावाची “स्वछता” करून आपल्या भजनातू, किर्तनातून स्वच्छतेचे महत्व अख्या जगास पटविले. मात्र याच गाडगे महाराजांच्या कर्मभूमीत त्यांच्या विचारनेची अवेहेलना होत असल्याचे चित्र दिसत असून फक्त गाडगे महाराजांच्या नावावर लोकप्रतिनिधी राजकारण करत असल्याचे दिसत आहे.

मूर्तिजापूर शहरात स्वछता अबाधित राहावी या करीता कोट्यावढी रुपयांचा कंत्राक्त नगर परिषदेच्या वतीने देण्यात आला असून शहरात ११ कचरा गाड्या सक्रिय आहेत. तर शहरातील नाले, गटार,रस्ते आदी साफ सफाई करीता नगर परिषदेत १०५ सफाई कर्मचारी असतांनाही मात्र मूर्तिजापूर शहरातील नाले, गटारांची साफसफाई होत नसल्यामुळे सर्वत्र घाणीचे साम्राज्य पसरले आहे. परिणामी डासांची पैदास वाढली असून, शहरात साथरोगांचा उद्रेक होण्याची शक्यता बळावली आहे. मात्र झोपी गेलेले नगर परिषद प्रशासन या गांभीर्याकडे लक्ष देण्याऐवजी बघ्याची भूमिका घेत नागरिकांच्या आरोग्याशी खेळ खेळत असल्याचे चित्र समोर आले आहे. शहरातील जुनी वस्ती घरकुल परिसरातून बायपास कडे जाणाऱ्या रस्त्याच्या कडेलाच मास विक्री कर्त्यांकडून मासाच्या अवयवांचा कचरा फेकला जातो हा कचरा संकलना करीता या परिसरात कुठलीही कचरा गाडी येत नसल्याने या कचऱ्यातून दुर्गंधी येते या मुळे या रस्त्याने जाणे येणे सुद्धा कठीण झाले आहे. तर जुनिवास्ती स्थित असलेल्या देवरण रोड वरील नाला, चिखली रोड वर राम मंदिर जवळ असलेला नाला व गाडगे महाराज गौरक्षण जवळील नाल्याची कित्यक दिवसांपासून साफसफाई झाली नसून यात मोठ्या प्रमाणात प्लास्टिक पिशव्या, झाडे कचरा गाळ साठल्याने अस्वच्छतेचे साम्राज्य पसरले असून या परिसरात मोठ्या प्रमाणात डासांचा प्रादुर्भाव वाढल्याने येथील नागरिक प्रचंड हैराण झाले असून नागरिकांचे आरोग्य धोक्यात आले आहे.

स्टेशन विभागातील बस स्थानका मागील कृषी उत्पन्न बाजार समिती रोड वर मोठ्या प्रमाणात कचाऱ्यांचा साठा जमा झाला आहे रोड वरून जात असतांना नागरिकांना कचऱ्यातून वाट काढावी लागत आहे. या परिसरात पारधी लोकांनी मोठ्या प्रमाणात अतिक्रमण करून आपले वास्तव्य थाटले असल्याने हे लोक रस्त्यालागतच शौच्यास बसतात. नगर परिषद प्रशासनाने अश्या उघड्यावर मूत्रविसर्जन करणाऱ्या, शौच्यास, बसणाऱ्यांवर अथवा अस्वछता करणाऱ्यांवर दांडात्मक कारवाई करावी. जेणेकरून शहरात स्वच्छता कायम राहील.

विदर्भ ब्युरो चिफ प्रतिक कुऱ्हेकर CEN News अकोला